البحر لبعيد [ أخذني ] وصرت لأموآجه رهينه ..

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

صيف هذا العآم اسوأ صيف عشته في حيآتي
باختصآر اكثر..مررت بمرحله جداً حزينه...
كنت عآيش في صرآع كبير من ذآتي لذآتي
كنت ضآيق وآشعر إني بعد ضيقت المدينه...
كنت أخطط وأنتظر صيف السنه هذي وأحآتي
لجل اعيش اجمل اجآزة حب مابيني وبينه...



الحبيب اللي من اول كان أجمل ذكريآتي
وصآر اسوأ ذاكره في دآخل اعماقي دفينه...
كآنت اشوى لو صدمني فجأة بغير امنياتي
ولا أموت بامنياتي غدر من طعنة يمينه...
ضيق الدنيا بعيني صدق وأحترت بجهآتي
كنت أشبه ما اكون بحال قبطآن السفينة...


لا أرتفع موج البحر والريح هبت والتفاتي
كان عكس التجآه اللي يحسس بالسكينه...
راكبين اثنين عرض البحر والمركب مؤاتي
للغرق او واحد منا يضحي عن ضنينه...
يعني كان الحل وآحد ياممآته ياممآتي
البلا في نآتج الحلين..اموت من الغبينه...




قآل:ويش الحل؟ قلت:التضحيه من وآجباتي
لازم اضحي عشآن اعطيك بعض الطمأنينه...
قال:افرض خذآك البحر قلت:اعلن وفاتي
قول:مات فلان لجل اعيش والمولى يعينه...
قال:طيب لا رحلت وشلون بتهنى مباتي
قلت:فكر في رجوعي بس وانطرني لحينه...




وانتبه تنسى وتكفى كل شي الا وصآتي
انتبه للقلب تكفى قال:في ايدي امينه...
قمت اودعه بسكآت ودمعتي تشرح سكاتي
وماذبحني ضيق الا يوم انا اقبل جبينه...
وأرمي نفسي للبحر واختل في موجه ثبآتي
والبحر لبعيد اخذني وصرت لأموآجه رهينه...


لكن الله مد في عمري ونجآني بصلاتي
ما وعيت الا وانا مابين شط وبين طينه...
والحبيب اللي نجا ما كان متوقع نجاتي
جيت من بعد الغياب الـ مُر ادور عن حنينه...
مالقيته في المدينه وانشغل بالي وأحاتي
ورحت من باب انشغالي اسأل الجيرآن وينه...


قيل:سآفر في إجآزة حب دآم الصيف آتي
جآه غيرك ياخذه من قبل يومين بيدينه...
وقتها دنقت راسي حزن حسيت بشتاتي
وقتها حسيت نفسي طفل اهله بايعينه...
وش حصل لابن اللذينا والا انا وش هي سواتي
ما تقول الا كأني ذابح له والدينه..



ذا وانا اللي لجل عينه ما بخلت بتضحيآتي
والقهر لابآرك الله فيه مابين بعينه...
دام حتى ما حفظ لي عشرتي واحسن جزاتي
ويش بأرجي منه لابو عشرته لابو سنينه...
كان هذا احسآسي اللي دوم اعيشه وسط ذاتي
والا انا ماجيت بحر وماني قبطان السفينه...



بس انا اللي كنت اخطط لجل احقق امنياتي
في اجآزة صيف ضآعت غدر من طعنة يمينه...
رحت بيتي مامعاي الا اقلب ذكريآتـــي
واقفل الغرفه علي واسمع اغآني حزيــنه...
لجل ذلك كان هذا الصيف الأسوأ في حيآتي
لجل ذلك كنت اتعس شخص عآيش في المدينه...

لآ تدققون في التصوير .. كآنت مجرد محآوله

يالبى هالأبدآع يــــانآس

يالبى هالتصوير

يالبى الذوق اللي منسقه الموضوع

شيء روووعهـ وفوق الوصف وربي

تصوير أبداع محاولهـ جميلهـ

تسلم الأيادي يااخيهـ

وتستآهلي التقييم
مودتي لكـ بحجم الدونيا ....}

<< صدقت نفسها

لووولو

الجمــال والإبدآع في مروركِـ هنـا

.. ولآ شي يشبهـ حضوركـ يالغلآ ’



كوني بالقرب دوماً }

من جـــــــــــــد ابدااااااااااااع ليش ماأعطيتوناخبر من أول ان فيـــــــــــــه مصـــــــــــــوره مبدعـــــــــــــه

في المنتـــــــــــدى .......... وربـــــــي الــــــصور مـــــــــــــره كيـــــــــــوت ......

يسلمــــــــــــــــــــــــوو وو côçô ........... تحيــــــــــــــاتي .........

يسلمكـ ربي كويكـ على الابدآع والتصـوير الخطــنطـر
شفتي كيف اقولكـ حلو مو مصدقه هـع


تعيـشي وتمطرينـا بمواهبكـ خيتوو '




تحياتـووآ .. !

شور جميله فعلا يسلم عمرك

تـــصويـــر رووووووووعـــة ...
يـــســـلـــمــووو...

روووووووووووووووعهـ

تسلم ايديكـ كوكو على ارووع تصووير بجد ابداااع فوق الخيااال

تسلم اناملك الرقيقه

ولا تحرمينا من رووعة عدستكـ غلآتي

دمتي بود,
اختك سهر

أبوي دنيتي

صموتهـ

السندبآد

أحلى مآخلق ربي

سهورهـ

ولِـ كُل من شرف المُتصفح .. ممتنهـ لهذا التشجيع وروعة الحضور

دمتم بالقرب مني



محبتي }

بالعكس حلويييين لييش ماندقق فيهم

والله وطلع عندش خبره في التصوير احسن منا

تسلمي كوكو ع الصور الحلووه